中國90後偷渡客的美國夢

90後美國偷渡客

https://www.youtube.com/watch?v=UJh0Nq2ovxY

導演拍得不錯，每隔一段時間我都會翻看這套紀錄片，感受一下人離鄉賤的心情。

人到了國外有很多種活法，包括有錢的和沒錢的，合法的跟非法的。

本來我不是特別關心在外國打黑工的華人是如何過日子，甚至以為這已經是十多年前的事，畢竟中國堀起，經濟發展一日千里，物質條件不輸西方國家，大城市（北上廣深）不缺工作機會，小城市也有三至四千元人民幣一個月，照計大家不需要再離鄉別井。

直至有一些大陸朋友跟我分享另類移民故事，我才知道在2010年後還是有很多內地年輕人寧願偷渡到北美賺錢都不想留在原居地。

他們一般先從中國坐飛機到南美洲小國，然後在內陸坐巴士到墨西哥，再在晚上經陸路冒險進入美國邊境，只要一成功抵美，自然會有人接應，而即使你沒有身份，你的小孩都有權利接受教育，直接進入學校讀書，你也可以找華人律師向法庭用各種理由（政治／宗教迫害）申請難民身份留下來，在等待期間也可以有一個社會保障號碼，打工賺錢，甚至可以去社區書院進修。不過即使是真的也不出奇，畢竟美國也是靠非法移民做一些本土美國人不願意的低下工作，所以他們會對黑工「隻眼開隻眼閉」。

由於很多中餐館都包食包住，加上有些人打現金工不報稅，所以即使他們英語不通，但是存到的錢可能比做一般白領工作多，每星期可賺到800至1000 USD（每天要工作十至十二個小時）。如果在偏遠地區工作，因為沒人願意去，工資可能更高。

存到錢之後他們通常會寄返去鄉下讓家人建房子，或者幹十多年之後回到中國娶妻生子搞生意。

如果成功取得身份，就可以申請妻兒來美國，等不及的話，也有一些人先回中國生孩子，交給親戚照顧，直至有了綠卡，才把孩子接過來，所以有很多人到了十多歲才正式和爸媽生活。這些孩子來到美國之後也很爭氣，進學校讀書，學英文，升大學，做專業人士變中產，人生成功逆轉，實在要感恩其父母當初的偉大，還有美帝的寬容。

香港和北美的戀愛文化

從香港來了北美之後，我發現兩地男生對拍拖結婚的看法相差得非常遠。

兩性地位：
在香港，不知道是不是男多女少的關係，女生通常佔盡Privilege，男人對她們呵護備至，做觀音兵，好怕自己無拖拍，娶不到老婆，結不到婚。很多港女在適當時候扮弱者，又可以在對自己有利的情況下提出男女平等，香港男生通常都會盡量遷就死忍，然後搵朋友呻。

北美男人對兩性關係的看法是：我非得要找到一個各方面都令我滿意的Partner，絕對不會將就，如果找不到寧願一個人，他們特別看不起公主病的女生，只要哪個女生想要耍任性，發脾氣，一律Pass，絕對不會跟你低聲下氣做兵，要是你總是不清楚自己是否想開始一段感情，他們不會等你，直接Move on，目的性非常強。他們可以對你Gentleman，前提是你要值得，一旦發現你有任何過份行為，他們會立刻收回付出，所以女性很難佔什麼便宜。

結婚年紀：
一般來說，香港男生去到廿八至三十歲就已經結哂婚，在臉書Post 老婆孩子的照片。如果過了三十歲仍未找到女朋友，通常父母親戚朋友會開始關心起你的感情生活，問你要不要介紹對象。

但是北美呢，很多三十多歲還是單身的男生大有人在，不少人更是三十六七歲才結婚，足足比香港遲了六七年。但這群人並非條件不好，相反，他們會投資大量時間在發展個人興趣和事業上面，很多都做到經理VP級別，不會把結婚視為人生首要任務。

理想對象：
香港男生似乎比較Prefer溫柔、聽話、脾氣好、不要有太多主見的女生，最好年輕貌美，我曾經聽過幾個廿幾歲既男人跟我說他的擇偶條件：我希望找一個接受我一切，不會挑戰我，收入比我低一點的女仔拍拖，她會崇拜我，不會離開我，這樣才有安全感。

我問了好幾個北美男生喜歡怎樣的對象，他們一開口就答：獨立自主有性格的女生最吸引。他們最討厭那些沒有自己想法，總是像綿羊一樣服從他人的人，而且覺得女仔愈能幹愈好，證明她們有自己的目標，身上有閃光點，才能配得上自己，完全不擔心女生賺錢比自己多，年紀也不是一個太大的Concern。

我不評論哪邊男生比較好，百貨應百客，各花入各眼，以上都是我有限的親身觀察，事實上每個地方都有不同喜好的人，不過比起亞洲，北美男生單身率和離婚率都比較高，可能不妥協的結果就是如此。

武漢肺炎終於來到加拿大

加拿大做咩事都慢人一拍，一個月前仲係度笑亞洲人去超市排長龍搶口罩，搶消毒洗手液，搶廁紙食品日用品，而家終於輪到佢地自己做埋同一樣野。

不過本地人本來就有囤貨既習慣，因為唔係成日有得去超市，通常一出去就買哂一星期就食既野，而家大條道理繼續囤多Ｄ。

回想起以前係香港住，行落街就係超市，每次買雞蛋買四隻已經覺得好多，而家真係兩種生活。

但呢班人仍然堅持唔帶口罩。

我都唔知話佢地天真定勇敢好。

後日我就返新工啦，又要搭電車同地鐵，其實我好想帶口罩，但又好驚比痴線佬打。

講真，雖然種族歧視係唔需要理由，想搵機會打柒你就打柒你，不過我覺得帶左又好似異類。

以為西人超市先係最多人去搶野食，點知唐人超市一樣。問題係佢地買果Ｄ係新鮮蔬菜肉類，擺得幾耐？

因為大家都開始搶物資，可能有人拎住枝槍周圍搶劫，加拿大人又開始去買槍買子彈保護自己。

生活係北美真係好似自生自滅咁，有事唔好旨意警察保謢到你，事關報得警黎，你已經無左條命，好多野都要自求多福，另外警察好多時都會話拉唔倒，就算拉左都未必重判。

西方人講究自由，你有自由，人地都有自由，人人都可以做自己想做既野，於是變左無王管既狀態，想要有秩序既生活，都係留返係亞洲好。

厚顏無恥既人

話時話，最近網上睇到一個個案，比我之前遇過既事更離譜，原來呢個世界厚顏無恥既人多的是。

樓主的親戚總共一家四口，想移民到美國，未到達前已經開口要求話要係佢地屋企住兩個月先，慢慢睇樓搵屋，樓主勉強答應，反正只係兩個月，算鳩數。點知親戚臨出發前又改口吻，話不如住足半年睇定先啦，到時再決定留唔留低，如果到時唔惦再睇下返唔返香港，等佢老公可以做太空人兩邊飛，同時又唔洗簽死一年租約。

既可以慳錢，老婆仔女三餐都有人照顧，一個唔對路又隨時可以返香港，一次滿足哂三個願望。

 又一個Take it for granted 的例子。

係既，你係滿足哂自己既願望，但係At the expense of other people果種，你只係將自己移民需要付出既成本轉移去你既親人身上。樓主本身已經住左一家四口，如果要招呼埋佢親戚，就變左一家八口，佢將會失去成個家庭既既日常生活。

我唔係一個冷漠既人，朋友有事，我都係第一時間幫得就幫，當然係能力範圍之內。

但點解我對呢Ｄ人咁反感？

因為佢地完全唔理自己為人地帶來乜野麻煩。

一）侍著大家一場親戚，覺得打擾人地生活半年都無問題

二）打擾完都算，又唔提比返幾多租金人地

三）呢Ｄ貪得無厭既騙徒通常有個共通點：就係一開始就話住幾日就走，哄你答應，然後住下住下就唔走，各種理由，愈住愈長，博你唔好意思出聲，然後繼續佔便宜。

四）住耐左，主人家覺得唔方便，到時想趕你又唔係，唔趕又影響到自己生活，最後一開聲，通常都係不愉快收場。

五）如果佢地無打算獨立既意識，住得係度，自然會有其他野又要搵人幫，對方幫得一樣，之後又會有第二樣，人地只要唔幫其中一樣，佢地又會覺得被冒犯，然後又要怪人。

對呢Ｄ人黎講，我地既存在價值就只係被利用，一旦無哂利用價值，就再無Keep relationship既必要。

雖說人性本來醜陋，只是想不到移民後見識更多。

新移民的「受害者情意結」

上篇講起依賴心態，令我想起其中一樣係加拿大觀察到既野。

好多新移民有「受害者情意結」，覺得自己係新來，岩岩來到乜都唔識，好不容易先離鄉別井，無人幫好慘，所以我弱我有理，你地唔幫佢就係衰人。

問題係，無人迫你移民來。你話你走難就唔同，做難民真係無得揀，個國家打緊仗根本返唔到去，呢Ｄ人就真係被迫留係度，堅係慘。

透過正常途徑移民，通常都係得幾種：婚姻移民，技術移民，投資移民，三種都係自願。移之前係咪應該自己做足心理和財政上的準備？

有些香港人，平時去旅行飲飲食食，乜野機票酒店都BOOK好哂，咩行程都安排到，識得放上FACEBOOK/ IG 曬命。但一講到移民，唔知點解個思維好似返左去八九十年代咁，明明而家互聯網發達，一早租定AIRBNB並唔難，當地亦有很多租屋網，歡迎長短租，選擇也很多。但佢地完全無計劃利用這些資訊，完全沒有研究過要買／租什麼房子，在哪裡住下來，淨係諗住投靠當地親友，有乜事都係去到當地先慢慢搞，又不會查下當地生活成本要幾多，唔諗住做Research，大條道理住係對方屋企，要人車出車入，無諗過幫手做家務，好似完全失去哂自理能力咁。

你既朋友當初又何嘗唔係新移民？唔通佢地又有朋友係度借屋佢住？係咪你朋友唔係度就唔移民黎？美加都是移民社會，有幾個黎到落地生根之前已經識人係呢邊生活？

係，你係好慘，但人地都有自己的難處，係咪人地滿足唔到你的要求就要發難渣呢？

但係呢Ｄ人係唔會咁諗。

佢地平時在香港受太多照顧，養尊處優，一開口求助，屋企人朋友親戚紛紛幫手，黎到加拿大，改變不到自己的香港Mode，繼續張手就來，覺得別人的付出都是理所當然，三十幾歲人都仲係典型港孩思維。永遠覺得自己既利益先係最重要，你既利益係可以被犧牲。

你唔單止唔可以唔幫佢地，仲一定要用佢要求既形式幫，唔可以有自己意見和想法，唔可以保障自己利益，否則你就是背叛佢。點解佢可以咁諗？因為佢覺得全世界都係佢既Slave，你地都係低佢一等，佢肯願意同你做朋友，搵你幫手，係你既榮幸，你竟然唔珍惜？咁就唔好怪佢同你斷絕關係。

呢Ｄ人最有趣既地方係，原來移民黎既時候，公司已經比左租屋津貼佢地，但係佢地一蚊都唔想比，所以先住朋友度。

講到自己係受害者咁，根本孤寒人地，闊佬自己，以小換大，著數攞盡。