ESTJ - 膚淺的獨裁者

ESTJ 一般只著重蠅頭小利，他們天生喜歡控制別人，以為自己那套是宇宙真理，看不到世界之大，如果稍為有點成就，便會馬上看不起其他人，大多是中層管理者，而且特別喜歡在某些方面較弱勢的人建立優越感，在傷殘人士面前談論自己走路有多快，在窮人面前炫富，在非英文母語者的人面前Show off自己的Native Accent，他們很懂得避免提及自己的弱點，因為他們無法接受自己在任何一方面都有機會比人差，唯有恆常地貶底身邊人的價值，出口傷人，才會感覺良好，但又永遠不知道在別人眼中自己是多麼Ugly。

他們不重視追求真理，只在乎自己的自尊，別人希望討論一個話題，他們擺上抬的永遠不是數據，論點，經驗分享，而是一句不知從哪裡冒出來的武斷結論，跟你的問題完全無關，只想擺顯自己的所謂見識，一副看透了世事的模樣，藉此嬴得別人的尊重，當你再深究他們說話背後的意思，便會左右顧而言他，轉移話題。

他們另一個特色就是說話前後矛盾，一時一樣，明明自己說以後要把小孩送到北大清華讀書，因為中國強大，當別人以為這是他的觀點，到了下次也說想把小朋友送到這些學校學習，他又會說，北大清華世界排名低，要送都送去英美大學讀。這種人是善忘嗎?不是，只因為他們交流的目的是在要言談中佔上風，佔優勢，證明自己無限正確，別人都是比他愚蠢的生物，所以搬龍門是很正常的事。

這種人對世界的貢獻是什麼？就是二三十年都留在一個小地方，維持一個小團體的運作，僅此而己，他們絕對不會離開自己熟悉的範圍，因為他們害怕自己不能掌握的事物，大多數終生只對住一個老婆，就是那些能夠忍受自己性格的小女人。

而有遠見，會挑戰自己的人，多數都是ENTJ，他們關心未知的事物，有追求，有很多想法，喜歡為世界帶來改變，甚至直接跳過無聊的辦公室鬥爭遊戲，走去創業。

ESTJ和ENTJ的分別在於：

前者看不到世界之大，只滿足於控制小天地裡面的人（自己公司和家庭）然後沾沾自喜，愛說一些阿媽是女人的道理。

後者再厲害，總覺得天外有天，人外有人，想要不斷進步，變成更強的強者，他們天生好奇心旺盛，興趣廣泛，傾向找一些眼界見識能力都與自己不相伯仲的人當伴侶，這樣他們才可向對方學習，他們不需要也不喜歡錄音機人士。

做生意方面：

前者賺錢模式保守，只在意盈利，如果說加油站賺錢，他們大概會買下十間一百間，如果說某大公司壟斷市場，業績高企，他們必會加碼再投資，達到錢滾錢，發大財的目的，盡情享受物質，再把這種價值觀和財富傳到下一代。

後者愛發掘新事物，他們投資時不會只鐘情大企業，眼光會落在有獨特理念有Potential的Startup，因為ENTJ不在乎利潤，只關心這種生意是不是能改變社會。他們最希望留給下一代不是錢，而是那種勇於創新和挑戰的心態。

我認為大部份天使投資人都是ENTJ為多，因為短視市儈的人(特別是STJ型)是不會想過幫助家庭熟人以外的人，讓不認識的人得益，他們每分每秒都只會計算著眼前的得失，看不到Big Picture，什麼「見自己，見天地，見眾生」之類的覺悟是不會出現他們身上。

E屬性，大家都是外向之人。
TJ型性格，喜歡馬上作判斷，做錯決定也不糾結。
唯獨差在S和N，一個膚淺表面只愛奉承，一個想法深刻愛新事物，不難分別。

INFJ - 才女性格

INFJ，好多作家都係呢種人格，香港例子有黃迪詩、亦舒。另外前港姐／政治家袁彌明都屬於呢TYPE，雖然她只寫專欄。

英國例子有Jane Austen (傲慢與偏見的作者)

NF 屬性令佢地對人性觀察力強，有好多深刻前衛既想法，不屑庸俗膚淺的行為，最討厭人云亦云。

J 屬性既人鐘意批判思考，所以佢地表達時一針見血，同時鐘意馬上付諸行動。

而作家通常需要獨處思考先可以寫到作品，I 屬性鐘意離群索居，有自己私人空間，所以我幾肯定上面既人全部都係INFJ　（相反，ENFJ 一般鐘意講野多過寫野）　

另外INFJ 人不主動撩是鬥非，但你得罪她，她勢必還擊，自我非常堅定，亦會捍衛自己既觀點，這點和INFP 不同，INFP 不太鐘意衝突，通常會由得佢，廢事浪費時間同對方嘈。

INFJ型女性通常比較難搵到伴侶，唔係佢地條件唔好，岩岩相反，佢地本身有能力，又有太多自己想法，如果加上外表唔差（例如黃迪詩咁），就會變相對伴侶既要求好高，終生未婚的例子比比皆是。

點高法？對方首先要係精神上滿足到佢地，欣賞到佢地既優點同個性，同時經濟能力又不可以太差。

問題是，社會上好多搵到錢的男人，都係屬於I/ESTJ類型，佢地做事講求邏輯、理性和效率，關注事實表面，不會太鐘意探索深刻思想，通常佢地收左工最鐘意就係打機，睇波，研究汽車，電腦，手機，發展一些非常男人的興趣，他們未必對人性有什麼觀察，更不懂得欣賞INFJ 型常常思考的抽象道理，對他們來說，INFJ 就是吃飽飯無事做想太多。

如果I/ESTJ 人有一日開始反思人生，通常是他們突然遭遇什麼變卦或意外才會這樣，又或者人到中年，經歷得多，知道任何事都不是必然的，他們才會開始想了解INFJ 的話題。但到了這種年紀一般都已經結婚生子有家室，所以很難跟INFJ 在一起。

至於在精神上有極高追求的男人，好多時都係文藝路線，即係NF型，收入可能極不穩定，某程度又非常理想主義，在INFJ 眼中可能比較幼稚，看不上眼，起碼要等到佢地三十到四十歲左右先會大器晚成，到時睇下大家有無緣份。

隨著年紀漸長，對象選擇愈來愈少，如果INFJ 唔肯妥協，最後一直單身或晚婚都不出奇。

不過INFJ如此有才華，加上天生聰明，即使時間磋跎，她們最後找到的對象一般都是非常適合自己的人。

ISFP - 毫無原則的弱者

有一種人好奇怪，表面柔弱和善好相處，實情無自己原則，有事第一時間縮埋一邊，人地兇兩兇就咩都講哂出來，只需要非常小的利益，就可以令佢地改變立場，出賣身邊人，又膽小又無GUTS，淨係識依附強者。佢地本身能力唔強，叫佢地出去打仗，同人談判無可能，但夠做埋哂Ｄ執頭執尾既工作，適當時仲識擦鞋，無錯，我就係講緊佢地，ISFP。

我以前認為表面強勢既人先會欺善怕惡，點知弱者都會，見到ISFP 我就明白。

如果你想聯合一班人對抗惡勢力，一齊搞革命，ISFP 係絕對唔會參與。佢地同軟皮蛇一樣，唔會付出努力去為自己爭取任何野，永遠只係等人施捨，有著數果陣又自然識行出黎拎埋一份，正宗Free Loader。

我遇過四個ISFP，有男有女，唔同國藉都有，三個都係岩岩識落果陣好相處，鐘意用Ｄ小恩小惠去同你建立關係，例如送Ｄ無咩實際價值既小禮物比你，得閒車出車入，安靜害羞，笑臉迎人，有人欺負佢地唔敢出聲，只會默默忍受，你諗住對佢地好Ｄ，幫佢地出頭，同人講數，佢地會同你建立關係，點知最後佢第一個出賣既人就係你，但你望返轉頭，其實果Ｄ所謂強者比到佢地既著數都係唔長遠，甚至無咩著數比到佢地，分分鐘仲要變本加厲係佢地身上Take 更加多既Advantage，但佢地係唔會理，亦無辦法thinking ahead。

S屬性限制左佢地只可以睇到即時既，Tangible 的利益，I同F屬性令佢地心軟唔敢反抗，收埋自己，P屬性令佢地傾向被人安排。

佢地好多時會同一份工做好耐，或者畢業第一份工係做乜就做乜，即使明知呢份工長遠黎講無咩前途，只要當下有錢賺，佢地都會繼續做，唔會考慮轉工，亦唔會有咩個人追求，甚至真係想轉工，都會拖到最後先做。

ISFP 一般對藝術，畫畫，設計有少少天份，女既鐘意化妝，著靚衫，注重時尚打扮，男既多數鐘意同女仔玩埋一齊，鐘意Ｄ小擺設，小飾物，但比人感覺蠢蠢地，但很少有什麼深刻的思想，對抽象的話題沒什麼興趣。

最近我遇到一對COUPLE，男既係ESTJ，女既係ISFP，天生一對，男既係BOSS，女既同一個Slave 完全無分別，一味被人安排自己既人生，乜都聽哂佢老公話，但連佢老公人品實際係點都唔知，完全無自己原則，無判斷力，是非不分，老公話乜就乜，就算要得罪埋自己阿媽同親戚都唔理，即係識得哦哦哦，睇怕佢老公叫佢去食屎佢都肯食。

當然如果呢個ESTJ係一個有能力既人，順風順水，佢自然可以照顧哂ISFP既生存需要，否則，ISFP 只可以跟住對方Fuck up together。

如果要對付ISFP，好簡單，一味對佢地惡同Controlling 就夠，千祈唔好心軟，佢地天性受硬不受軟，絕對犯賤，可憐之人必有可恨之處，絕對唔洗同情。